Union Bank - Tirana, Albania

Union Bank është një bankë private me kapital 100% shqiptar, me aksioner kryesor Unionin Financiar Tiranë (UFT). Që prej fillimit të aktivitetit në vitin 2006, Union Bank ka shënuar rritje domethënëse në tregun bankar duke arritur mbi 650 milion Euro asete. Në vitin 2019 Union Bank përfundoi me sukses blerjen dhe përthithjen e Bankës Ndërkombëtare Tregtare sh.a. (ICB) duke zgjeruar pjesën e tregut për asetet në rreth 5%.

Union Bank ofron për të gjithë klientët e saj zgjidhje financiare nëpërmjet një game të gjerë produktesh, paketash të dedikuara dhe shërbimesh bankare për individët, bizneset e vogla dhe të mesme si dhe korporata, duke pasur në fokus aplikimin e proceseve operacionale sa më efiçente në funksion të një shërbimi të shpejtë dhe  

Show more

cilësor për klientët.

Nëpërmjet një rrjeti prej 33 degësh dhe 55 ATM në qytetet më kryesore të Shqipërisë, banka u shërben me profesionalizëm mbi 185,000 klientëve. Përveç rrjetit të gjerë të degëve, për t’iu gjendur më pranë klientëve, Union Bank ofron shërbimin UB Online, një platformë moderne, e lehtë në përdorim e cila mundëson kryerjen e veprimeve bankare online në çdo kohë duke lehtësuar aktivitetin e përditshëm të klientëve individë dhe biznes.