Birra Peja - Albania

irra Peja
Pozita gjeografike e Kosovës dhe kushtet klimatike specifike, ujërat kristal të pastërta, që nga koha e ilirëve, iu kanë dhuruar një margaritar të quajtur Birra PEJA.
Fabrika e birrës ka filluar ndërtimin në vitin 1968, ndërsa prodhimi ka filluar që nga viti 1971. Kompleksi i fabrikës përfshin sipërfaqën prej 24 ha, me tërë infrastrukturën e saj. Kapaciteti fillestar ishte 300 mijë hektolitra birrë në vit, ndërsa kapaciteti i tanishëm është 900 mijë hektolitra. Në kuadër të kompleksit të fabrikës së birrës janë edhe fabrika e maltit, fabrika e alkoolit të rafinuar si dhe rrjeti tregtar.
Fabrika e birrës posedon laborator modern për përcjelljen e analizave kimike dhe atyre mikrobiologjike, të lëndës së parë, analizën e fazave  

Show more

prodhuese, prodhimit final si dhe kontrollimin e gjendjes higjienike në makinat prodhuese dhe të ambalazhit. Udhëheqja e procesit teknologjik në çdo fazë të prodhimit – zierja, ftohja, ajrimi dhe injektimi i maltit, fermentimi, qëndrimi, filtrimi, pasterizimi dhe në fund mbushja. I tërë procesi kryhet me sisteme automatiko-kompjuterike.
Që nga privatizimi dhe deri në prill 2010 janë investuar 25,5 milion euro në linja të reja prodhuese, teknologji, energjetikë, infrastrukturë, marketing si dhe në sektore tjera. Janë planifikuar të investohen edhe 2,5 milion euro shtesë deri ne fund të vitit 2010. Dominimi në treg si dhe zgjërimi i asortimanit janë objektivat kryesore “Birra PEJA” për vitet e ardhshme.